Тус тайлангийн хугацаанд “Төгс бүсгүйчүүд” ТББ нь Улаанбаатар хот болон орон нутгийн эрсдэлт бүлгийн эмэгтэйчүүдийн дунд ХДХВ, БЗДХ-аас сэргийлэх цогц хөтөлбөрийг хэрэгжүүлж ажиллалаа. Хөтөлбөрийн хүрээнд дараах үйл ажиллагаануудыг зохион байгуулсан.
“Үе тэнгийн сургагч бэлтгэх” 2 өдрийн сургалтыг 6 удаа зохион байгуулж, 90 олон нийтийг хамруулсан ба сургалтын дараа оролцогчдын мэдлэгийн түвшин 43,2 хувиар нэмэгдсэн байна.
Олон нийтийг мэргэжил эзэмшүүлэн, ажлын байранд зуучлах хөтөлбөрийн дагуу “Чухал амжилт” сургалтын төвд 10 олон нийтийг мэргэжил олгох сургалтанд хамруулсан.
“Төгс бүсгүйчүүд” ТББ-ын үйл ажиллагааг танилцуулах нээлттэй хаалганы өдөрлөгт 44 баар буудал, саун массажны газрын 240 олон нийтийг хамруулсан
Олон нийтийн ажилладаг байршил дээр нь явуулын шинжилгээ, үйлчилгээг зохион байгуулж 270 олон нийтийг хамруулсан. Мөн эх барих, эмэгтэйчүүдийн мэргэжлийн эмчтэй хамтран 300 олон нийтэд “Бэлгийн болон нөхөн үржихүйн эрүүл мэнд”-ийн талаар бүлгийн ярилцлага зохион байгуулсан. .
Хүрэхэд төвөгтэй олон нийтийг илрүүлэх үйл ажиллагааны хүрээнд 270 олон нийтэд байгууллагаа танилцуулан мэдээлэл хүргэж, шинжилгээнд хамруулан ажилласан.
“Төгс бүсгүйчүүд” ТББ-аар үйлчлүүлдэг олон нийтийг төрийн үйлчилгээнд зуучлах сургалтыг 1 удаа зохион байгуулж 20 олон нийтийг хамруулсан.
Тайлангийн хугацаанд хүрэхэд төвөгтэй олон нийтийг илрүүлэх үйл ажиллагаа, бүлгийн ярилцлага, үе тэнгийн болон төрийн үйлчилгээнд зуучлах сургалт, ДОХ-той тэмцэх дэлхийн өдрийн үйл ажиллагаа зэргээр дамжуулан 1367 олон нийт, 6 хамтран амьдрагчийг шинжилгээнд хамруулан ажилласан.
Хүрч очих үйл ажиллагаагаар давхардсан тоогоор нийт 996 олон нийтэд мэдээлэл өгч 8232 ширхэг бэлгэвч тараасан.
ТББ-ын хөтөлбөрийн ажилтан, хүрч очих ажилтнууд, кейс менежерүүд зэрэг 15 хүнийг “Кейс ажилтан, хүрч очих ажилтнууд болон эрсдэлт бүлгийн эмэгтэйчүүдийг зураглал гаргах аргачлалд сургах, чадавхжуулах” 2 өдрийн сургалтанд хамруулсан.
Эрсдэлт бүлгийн олон нийтийг зуучлагч нарын дунд нөлөөллийн уулзалтыг 2 удаа зохион байгуулж 96 хүн, олон нийтийн үйлчлүүлэгчдэд чиглэсэн ухуулга, сурталчилгааг 2 удаа зохион байгуулж 480 эрэгтэйчүүдийг хамруулсан.
APNSW –ээс эрхлэн гаргасан “The Smart guide to SWIT” –ийг монгол хэлнээ орчуулан хэвлүүлсэн.
ДОХ-той тэмцэх дэлхийн өдрийн үйл ажиллагаанд Улаанбаатар хотын 6 дүүрэгт үйл ажиллагаа явуулдаг баар, зочид буудал, саун, караоке, гадна талбайн 90 олон нийтийг хамруулсан.
Улаанбаатар хот болон дэд салбар хүлээн авагч Дорноговь аймгийн “Чуулсан үгс” ТББ, Сэлэнгэ аймгийн “Хатан замнал” ТББ-ын хөтөлбөрийн хэрэгжилтэнд хяналт үнэлгээг 2 удаа хийж орон нутгийн 40, Улаанбаатар хотын 120 олон нийтийн төлөөлөлөлтэй уулзсан.