“Төгс бүсгүйчүүд” ТББ нь эрсдэлт бүлгийн эмэгтэйчүүд болон тэдний үйлчлүүлэгчдийг ХДХВ, БЗДХ-аас сэргийлэх цогц хөтөлбөрийг Улаанбаатар хотноо хэрэгжүүлж ажиллахын зэрэгцээ орон нутгийн дэд салбар хүлээн авагч болох Дорноговь аймгийн “Чуулсан үгс” ТББ, Сэлэнгэ аймгийн “Хатан замнал” ТББ-тай хамтран ажилласан. Тайлангийн хугацаанд дараах үйл ажиллагааг хэрэгжүүлсэн:
“Үе тэнгийн сургагч бэлтгэх” сургалтыг 6 удаа зохион байгуулж 90 олон нийтийг үе тэнгийн сургагчаар бэлтгэсэн ба Үе тэнгийн сургагчаар бэлтгэгдсэн олон нийтийн мэдлэгийн түвшин дунджаар 21.3%-аар нэмэгдсэн байна.
“Бодит Үнэлэмж” сургалтын төвд 10 олон нийтийг үсчин гоо сайхан, маникюр, нярав, нүүр будалтын мэргэжил олгох сургалтад хамруулсан.
“Төгс бүсгүйчүүд” ТББ-ын үйл ажиллагааг танилцуулах нээлттэй хаалганы өдөрлөгийг “Төгс бүсгүйчүүд” ТББ-ын байранд зохион байгуулж зохион байгуулж нийт 240 олон нийтийг хамруулсан
“Кейс ажилтан, хүрч очих ажилтнууд болон эмэгтэй биеэ үнэлэгчдийг зураглал гаргах аргачлалд сургах, чадавхжуулах” сургалтыг “Төгс бүсгүйчүүд” ТББ, Дорноговь аймгийн Замын-үүд сумын “Чуулсан Үгс”, Сэлэнгэ аймгийн “Хатан замнал” ТББ -ын кейс менежер, хүрч очих ажилтнууд, үе тэнгийн сургагч зэрэг 20 хүнд зохион байгуулсан.
Нөхөн үржихүйн эрүүл мэнд, бэлгийн эрүүл мэнд, хүчирхийлэл, архи мансууруулах бодис сэдвүүдээр бүлгийн ярилцлагыг олон нийтийн ажлын байран дээр болон өөрийн байгууллагын байранд зохион байгуулж нийт 300 олон нийтийг хамруулсан.
Олон нийтийг төрийн үйлчилгээнд зуучлах сургалтыг 2 удаа зохион байгуулж 40 олон нийтийг хамруулсан.
07-12 сард ХДХВ, тэмбүүгийн халдвар илрүүлэх шинжилгээнд 1130 ЭБҮ, 4 хамтран амьдрагч, нийт 1134 хүн хамрагдсан. Эмэгтэйчүүдийн үзлэг, наацын шинжилгээнд 134 ЭБҮ хамруулсан. Нийт үзлэг шинжилгээнд хамрагдсан ЭБҮ-дийн 5.9%(67)-д БЗДХ илэрсэн ба тэдний 88.1%(59)-ийг үнэгүй эмчилгээнд хамруулсан.
Хүрч очих үйл ажиллагаагаар давхардсан тоогоор нийт 1090 олон нийтэд хүрч ажилласан бөгөөд 9,810 ширхэг бэлгэвч тараасан.
Эрсдэлт бүлгийн эмэгтэйчүүдийн үйлчлүүлэгчдэд чиглэсэн ухуулга, сурталчилгааны үйл ажиллагааг улирал тутам зохион байгуулж 480 хүн, тэдний үнэлэгчдийн зуучлагч нарт нөлөөллийн уулзалтыг 2 удаа зохион байгуулж 96 хүнийг хамруулсан.
Улаанбаатар хот болон дэд салбар хүлээн авагч Дорноговь аймгийн “Чуулсан үгс”ТББ-ын төслийн хэрэгжилтэнд хяналт, үнэлгээ хийж 140 олон нийтийг ярилцлаганд хамруулсан.
Эрсдэлт бүлгийн хүн амд эрүүл мэндийн тусламж үйлчилгээ үзүүлэх чиглэлээр ажилладаг төр болон төрийн бус байгууллагуудын хамтын ажиллагааг өргөжүүлэх, бэхжүүлэх ажлын хүрээнд Дархан-уул аймгийн ЭМГ-ын сургалтын танхимд орон нутгийн дэд салбар хүлээн авагч Дархан-уул аймгийн “Эмэгтэйчүүдийн Итгэл Найдвар Холбоо’’, Орхон аймгийн “Эрхэмсэг Оршихуй Эрдэнэт”, Сэлэнгэ аймгийн “Хатан замнал” ТББ-уудын гүйцэтгэх захирал, төслийн менежер, хүрч очих ажилтан, үе тэнгийн сургагч, эрсдэлт бүлгийн эмэгтэйчүүдийн төлөөлөл нийт 30 хүн оролцсон зөвлөлдөх уулзалтыг зохион байгуулсан.
Нуугдмал, далд олон нийтийг илрүүлэх үйл ажиллагааг 2 удаа зохион байгуулж нуугдмал 270 олон нийтийг илрүүлж хөтөлбөрийн үйл ажиллагаанд хамруулсан.
Эрсдэлт бүлгийн хүн амд эрүүл мэндийн тусламж үйлчилгээ үзүүлэгчдийг чадавхжуулах, мэдрэгжүүлэх сургалтыг 1 удаа зохион байгуулж 20 хүнийг хамруулсан.
Явуулын сайн дурын зөвлөгөө шинжилгээг 3, 4-р улиралд 2 удаа зохион байгуулж 270 олон нийтийг хамруулж шинжилгээний өмнөх болон дараах зөвлөгөөг өгсөн.
Дэлхий нийтээрээ ХДХВ, ДОХ-ын асуудалд анхаарлаа хандуулах өдрийн хүрээнд “Өөрчлөлтийг та бид хийнэ” уриан дор нээлттэй хаалганы өдрийг зохион байгуулсан.
