“Төгс бүсгүйчүүд” ТББ нь эрсдэлт бүлгийн эмэгтэйчүүдэд ХДХВ, БЗДХ-аас сэргийлэх цогц хөтөлбөрийг Улаанбаатар хотноо хэрэгжүүлж ажиллахын зэрэгцээ орон нутгийн дэд салбар хүлээн авагч Дорноговь аймгийн “Чуулсан үгс” ТББ, Сэлэнгэ аймгийн “Хатан замнал” ТББ-тай хамтран ажиллаж, дараах үйл ажиллагааг хэрэгжүүлсэн:
![](https://tugsbusguichuud.mn/wp-content/uploads/2021/04/1-6-140x140.png)
“Үе тэнгийн сургагч бэлтгэх” 2 өдрийн сургалтыг 3 удаа зохион байгуулж 45 олон нийтийг хамруулж, үе тэнгийн сургагчаар бэлтгэгдсэн олон нийтийн мэдлэгийн түвшин дунджаар 25,5%-аар нэмэгдсэн байна.
![](https://tugsbusguichuud.mn/wp-content/uploads/2021/04/2-6-140x140.png)
Нуугдмал, далд олон нийтийг илрүүлэх үйл ажиллагааг 1 удаа зохион байгуулж нуугдмал 135 олон нийтийг илрүүлж хөтөлбөрийн үйл ажиллагаанд хамруулсан.
![](https://tugsbusguichuud.mn/wp-content/uploads/2021/04/3-5-140x140.png)
“Төгс бүсгүйчүүд” ТББ-ын үйл ажиллагааг танилцуулах нээлттэй хаалганы өдөрлөгийг тус төрийн бус байгууллагын байранд 2 удаа зохион байгуулж нийт 240 олон нийтийг хамруулсан.
![](https://tugsbusguichuud.mn/wp-content/uploads/2021/04/4-5-140x140.png)
“Кейс ажилтан, хүрч очих ажилтнууд болон үе тэнгийн сургагч нарыг зураглал гаргах аргачлалд сургах, чадавхжуулах” 2 өдрийн сургалтыг зохион байгуулж “Төгс бүсгүйчүүд” ТББ, Дорноговь аймгийн Замын-үүд сумын “Чуулсан Үгс”, Сэлэнгэ аймгийн “Хатан замнал” ТББ-ын 20 ажилтнуудыг хамруулсан.
![](https://tugsbusguichuud.mn/wp-content/uploads/2021/04/5-4-140x140.png)
Нөхөн үржихүйн эрүүл мэнд, бэлгийн эрүүл мэнд, хүчирхийлэл, архи мансууруулах бодис сэдвүүдээр бүлгийн ярилцлагыг олон нийтийн ажлын байран дээр болон өөрийн байгууллагын байранд зохион байгуулж нийт 300 олон нийтийг хамруулсан.
![](https://tugsbusguichuud.mn/wp-content/uploads/2021/04/7-3-140x140.png)
Эрсдэлт бүлгийн эмэгтэйчүүдийг төрийн үйлчилгээнд зуучлах сургалтыг 2 удаа зохион байгуулж 40 олон нийт хамрагдсан.
![](https://tugsbusguichuud.mn/wp-content/uploads/2021/04/6-4-140x140.png)
ХДХВ,тэмбүүгийн халдвар илрүүлэх шинжилгээнд 1079 эрсдэлт бүлгийн эмэгтэйчүүд хамрагдсан. Шинжилгээнд хамрагдсан эмэгтэйчүүдийн 6.2%(67)-д БЗДХ илэрсэн. Үүнээс 88%(59)-ийг эмчилгээнд хамруулсан.
![](https://tugsbusguichuud.mn/wp-content/uploads/2021/04/8-3-140x140.png)
Хүрч очих үйл ажиллагаагаар давхардсан тоогоор нийт 1,195 олон нийтэд хүрч ажилласан бөгөөд 27,244 ширхэг бэлгэвч тараасан.
![](https://tugsbusguichuud.mn/wp-content/uploads/2021/04/9-2-140x140.png)
Эрэгтэйчүүдэд ХДХВ, БЗДХ-ын болон бэлгэвчийн хэрэглээний талаарх ухуулга, сурталчилгаа явуулах үйл ажиллагааг улирал тутам зохион байгуулж 480 хүнийг хамруулсан.
![](https://tugsbusguichuud.mn/wp-content/uploads/2021/04/7-3-140x140.png)
Улаанбаатар хот болон дэд салбар хүлээн авагч Дорноговь аймгийн “Чуулсан үгс”, Сэлэнгэ аймгийн “Хатан замнал” ТББ-ын ЭБҮ-д чиглэсэн цогц хөтөлбөрийн хэрэгжилтэнд хяналт, үнэлгээ хийх зорилгоор 190 олон нийттэй уулзаж ярилцлаганд хамруулсан.
![](https://tugsbusguichuud.mn/wp-content/uploads/2021/04/10-2-140x140.png)
Эрсдэлт бүлгийн хүн амд эрүүл мэндийн тусламж үйлчилгээ үзүүлэгчдийг чадавхжуулах сургалтыг Улаанбаатар хотын 9 дүүргийн БЗДХ-ын болон эх барих эмэгтэйчүүдийн эмч мэргэжилтнүүд, орон нутгийн дэд салбар хүлээн авагч Дорноговь аймгийн Замын-Үүд сумын “Чуулсан үгс”, Сэлэнгэ аймгийн “Хатан замнал” ТББ, “ЗЭМ” ТББ-ын 22 эмч, эмнэлгийн мэргэжилтнүүдийг хамруулан 2 удаа зохион байгуулсан.
![](https://tugsbusguichuud.mn/wp-content/uploads/2021/04/6-4-140x140.png)
Явуулын сайн дурын зөвлөгөө шинжилгээг 2 удаа зохион байгуулж 270 олон нийтийг хамруулж шинжилгээний өмнөх болон дараах зөвлөгөөг өгсөн.
![](https://tugsbusguichuud.mn/wp-content/uploads/2021/04/3-5-140x140.png)
БЗДХ, ХДХВ-ийн халдвараас сэргийлэх, тусламж үйлчилгээ үзүүлэх чиглэлээр ажилладаг төр болон төрийн бус байгууллагуудын хамтын ажиллагааг өргөжүүлөх, зөвлөлдөх уулзалтыг 6 удаа зохион байгуулж 108 хүн хамрагдсан. ХЗН, ЭМГ, ХӨСҮТ, 9 дүүргийн нэгдсэн эмнэлэг, Хөвсгөл, Сэлэнгэ, Дорнод, Дорноговь, Дархан-Уул, Орхон, Баянхонгор, Өмнөговь, Ховд аймгуудын ТББ-ын ажилтнууд, үе тэнгийн сургагч нар оролцсон.