Монгол улсад 2021-2023 онд ХДХВ, ДОХ, Сүрьеэгээс сэргийлэх эмчилгээ, тусламж үйлчилгээ үзүүлэх Үндэсний хөтөлбөрийг бэхжүүлэх төслийн хүрээнд салбар хүлээн авагч “Төгс бүсгүйчүүд” ТББ нь зорилтот бүлгийн олон нийтийн дундах ХДХВ-ийн халдварын тархалтыг 0%-д тогтоон барих, зорилтот бүлгийн олон нийтийн 60%-ийг урьдчилан сэргийлэх хөтөлбөрт хамруулахаар зорилт тавин ажиллаж байна. Эхний хагас жилийн хугацаанд дараах үйл ажиллагааг хэрэгжүүлэн ажиллалаа. Үүнд:
![](https://tugsbusguichuud.mn/wp-content/uploads/2021/04/1-6-140x140.png)
Олон нийтийн байршил дээр нь очиж ХДХВ, БЗДХ-аас урьдчилан сэргийлэх, нөхөн үржихүй, хүчирхийлэл, сэтгэл зүй, хувь хүний хөгжил зэрэг сэдвээр бүлгийн ярилцлагыг зохион байгуулж, нийт 720 олон нийтийг хамруулсан.
![](https://tugsbusguichuud.mn/wp-content/uploads/2021/04/8-3-140x140.png)
Эхний хагас жилд олон нийтийн байршил дээр нь нүүр тулж 937, цахим сүлжээ ашиглан 353, нийт хүрч очих ажиллагаанд 1,290 олон нийтийг хамруулсан.
![](https://tugsbusguichuud.mn/wp-content/uploads/2021/04/3-5-140x140.png)
Дархан-Уул аймагт “Эмэгтэйчүүдийн Итгэл Найдвар Холбоо” ТББ-ын Хүрч очих ажилтнаар зуучлуулан 50 олон нийт эмэгтэйчүүдэд ХДХВ/ДОХ, БЗДХ-ын талаар шинжилгээний өмнөх болон дараах зөвлөгөөг өгч ХДХВ, тэмбүүгийн халдвар илрүүлэх шинжилгээнд хамруулсан.
![](https://tugsbusguichuud.mn/wp-content/uploads/2021/04/7-3-140x140.png)
Дорнод аймгийн БОЭТ-ийн удирдлага, БЗДХ-ын эмч болон холбогдох мэргэжилтнүүдтэй уулзаж туршилтын хөтөлбөр хэрэгжүүлэх, цаашид хамтран ажиллах талаар танилцуулж 3-р улирлаас эхлэн олон нийт эмэгтэйчүүдийг ХДХВ-ийн шинжилгээ, үйлчилгээнд хамруулах туршилтын хөтөлбөрийн бэлтгэл ажлыг хангасан ба 15 олон нийтийг шинжилгээнд хамруулсан.
![](https://tugsbusguichuud.mn/wp-content/uploads/2021/04/6-4-140x140.png)
ХДХВ-ийн халдвар илрүүлэх шинжилгээ үйлчилгээнд 984 олон нийтийг зуучлан хамруулсан. Тэдгээрээс 720 нь бүлгийн ярилцлагаар, 199 нь урьдчилан сэргийлэх зорилгоор үзлэг шинжилгээнд хамрагджээ.
![](https://tugsbusguichuud.mn/wp-content/uploads/2021/04/10-2-140x140.png)
"НҮЭМ-ийн үйлчилгээнд хамрагдах нь" хөтөлбөр хэрэгжүүлэх ажлын хүрээнд ЧД, БЗД, СХД зэрэг 3 дүүргийн ЭМТ-ийн эх барих эмэгтэйчүүдийн кабинетаар нийт 176 олон нийтэд эмэгтэйчүүдийн үзлэг шинжилгээ хийж, зөвлөгөө өгч ажилласан.
![](https://tugsbusguichuud.mn/wp-content/uploads/2021/04/2-6-140x140.png)
ХДХВ, БЗДХ-тай холбоотой мэдээ мэдээллийг нийт 353 олон нийтэд цахимаар явуулж зөвлөгөө мэдээллээр хангаж, үзлэг шинжилгээнд зуучилсан.