“Төгс бүсгүйчүүд” ТББ нь эрсдэлт бүлгийн эмэгтэйчүүд болон тэдний үйлчлүүлэгчдийг ХДХВ, БЗДХ-аас сэргийлэх цогц хөтөлбөрийг Улаанбаатар хотноо хэрэгжүүлж ажиллахын зэрэгцээ орон нутгийн дэд салбар хүлээн авагч болох Дорноговь аймгийн “Чуулсан үгс” ТББ, Сэлэнгэ аймгийн “Хатан замнал” ТББ-тай хамтран ажилласан. Тайлангийн хугацаанд дараах үйл ажиллагааг хэрэгжүүлсэн:
![](https://tugsbusguichuud.mn/wp-content/uploads/2021/04/1-6-140x140.png)
“Үе тэнгийн сургагч бэлтгэх” сургалтыг 6 удаа зохион байгуулж 90 олон нийтийг үе тэнгийн сургагчаар бэлтгэсэн ба үе тэнгийн сургагчаар бэлтгэгдсэн олон нийтийн мэдлэгийн түвшин дунджаар 27%-аар нэмэгдсэн байна.
![](https://tugsbusguichuud.mn/wp-content/uploads/2021/04/2-6-140x140.png)
“Чухал Амжилт” сургалтын төвд 7 олон нийтийг үсчин гоо сайхан, маникюр, нүүр будалтын мэргэжил олгох сургалтад хамруулсан.
![](https://tugsbusguichuud.mn/wp-content/uploads/2021/04/3-5-140x140.png)
“Төгс бүсгүйчүүд” ТББ-ын үйл ажиллагааг танилцуулах нээлттэй хаалганы өдөрлөгийг “Төгс бүсгүйчүүд” ТББ-ын байранд зохион байгуулж нийт 240 олон нийтийг хамруулсан.
![](https://tugsbusguichuud.mn/wp-content/uploads/2021/04/4-5-140x140.png)
“Кейс ажилтан, хүрч очих ажилтнууд болон эмэгтэй биеэ үнэлэгчдийг зураглал гаргах аргачлалд сургах, чадавхжуулах” сургалтанд “Төгс бүсгүйчүүд” ТББ, Дорноговь аймгийн Замын-үүд сумын “Чуулсан Үгс”, Сэлэнгэ аймгийн “Хатан замнал” ТББ, “Залуус эрүүл мэнд” ТББ-ын кейс менежер, хүрч очих ажилтнууд, үе тэнгийн сургагч зэрэг 20 хүнд зохион байгуулсан.
![](https://tugsbusguichuud.mn/wp-content/uploads/2021/04/5-4-140x140.png)
Нөхөн үржихүйн эрүүл мэнд, бэлгийн эрүүл мэнд, хүчирхийлэл, архи мансууруулах бодис сэдвүүдээр бүлгийн ярилцлагыг олон нийтийн ажлын байран дээр болон өөрийн байгууллагын байранд зохион байгуулж нийт 300 олон нийтийг хамруулсан.
![](https://tugsbusguichuud.mn/wp-content/uploads/2021/04/7-3-140x140.png)
Олон нийтийг төрийн үйлчилгээнд зуучлах сургалтыг 2 удаа зохион байгуулж 40 олон нийтийг хамруулсан.
![](https://tugsbusguichuud.mn/wp-content/uploads/2021/04/6-4-140x140.png)
Тайлант хугацаанд 1054 эрсдэлт бүлгийн эмэгтэйчүүд, 6 хамтран амьдрагч, нийт 1060 хүн ХДХВ, тэмбүүгийн халдвар илрүүлэх шинжилгээнд, эмэгтэйчүүдийн үзлэг, наацын шинжилгээнд 130 эмэгтэйчүүд хамрагдсан. Нийт үзлэг шинжилгээнд хамрагдсан олон нийтийн 7.8% (n=83)-д БЗДХ илэрсэн ба тэдний 59.0%(n=49)-ийг үнэгүй эмчилгээнд хамруулсан.
![](https://tugsbusguichuud.mn/wp-content/uploads/2021/04/8-3-140x140.png)
Хүрч очих үйл ажиллагаагаар давхардсан тоогоор нийт 1047 олон нийтэд хүрч ажилласан бөгөөд 9,423 ширхэг бэлгэвч тараасан.
![](https://tugsbusguichuud.mn/wp-content/uploads/2021/04/9-2-140x140.png)
Эрсдэлт бүлгийн эмэгтэйчүүдээр үйлчлүүлэгчдэд чиглэсэн ухуулга, сурталчилгаа явуулах үйл ажиллагааг улирал тутам зохион байгуулж 480 хүнийг хамруулсан. Мөн тэдний зуучлагч нарт нөлөөллийн уулзалтыг 2 удаа зохион байгуулж 96 хүнийг хамруулсан.
![](https://tugsbusguichuud.mn/wp-content/uploads/2021/04/7-3-140x140.png)
Улаанбаатар хот болон дэд салбар хүлээн авагч Дорноговь аймгийн “Чуулсан үгс”, Сэлэнгэ аймгийн “Хатан замнал” ТББ-ын д цогц хөтөлбөрийн хэрэгжилтэнд хяналт, үнэлгээ хийж нийт 160 олон нийтийг ярилцлаганд хамруулсан.
![](https://tugsbusguichuud.mn/wp-content/uploads/2021/04/10-2-140x140.png)
Нуугдмал, далд олон нийтийг илрүүлэх үйл ажиллагааг 2 удаа зохион байгуулж нуугдмал 270 олон нийтийг илрүүлж хөтөлбөрийн үйл ажиллагаанд хамруулсан.
![](https://tugsbusguichuud.mn/wp-content/uploads/2021/04/4-5-140x140.png)
“Эрсдэлт бүлгийн хүн амд эрүүл мэндийн тусламж үйлчилгээ үзүүлэгчдийг чадавхжуулах” сургалтыг Улаанбаатар хотын 9 дүүргийн БЗДХ-ын болон эх барих эмэгтэйчүүдийн эмч мэргэжилтнүүд, орон нутгийн дэд салбар хүлээн авагч Дорноговь аймгийн Замын-Үүд сумын “Чуулсан үгс”, Сэлэнгэ аймгийн “Хатан замнал” ТББ, “ЗЭМ” ТББ-ын эмч, эмнэлгийн мэргэжилтнүүдийг хамруулан 22 хүний бүрэлдэхүүнтэйгээр 2 удаа зохион байгуулсан.